ԼՈՒՍԱՆԿԱՐՆԵՐ․ Քարեր՝ Մոնումենտ բարձրացող ճանապարհի սկզբնամասում
Քիչ առաջ Auroranews-ը ահազանգ ստացավ, որ Մոնումենտ բարձրացող ճանապարհի սկզբնամասում քարաթափում է տեղի ունեցել, քարեր են հայտնվել նաև ճանապարհի երթևեկելի հատվածում։
Մեր փոխանցած ահազանգից հետո պարեկային ծառայության աշխատակիցները մոտեցան նշված տարածքին և մեզ հետ զրույցում նշեցին․ «Քարեր կան թափված, բայց սա քարաթափում չէ։ Հավանաբար որևէ մեքենայից թափվել է և այդպես էլ մնացել, սակայն քաղաքացիները դրանք հեռացրել են երթևեկելի հատվածից»։
Պարեկները նշեցին նաև, որ ԱԻՆ աշխատակիցները մոտենում են, քարերը շուտով կհեռացվեն։
