«ՀԱՊԿ-ը պատրաստ է առաքելություն ուղարկել հայ-ադրբեջանական սահման». Յուրի Շուվալով
«ՀԱՊԿ-ը մշտապես պատրաստակամ է կազմակերպության առաքելությունը հայ-ադրբեջանական սահման ուղարկելու համար», - BelTA-ի փոխանցմամբ՝ այս մասին լրագրողներին ասել է ՀԱՊԿ քարտուղարության ներկայացուցիչ Յուրի Շուվալովը՝ մարտի 31-ին Մոսկվայում կայացած ՀԱՊԿ քարտուղարության և միացյալ շտաբի ղեկավարության՝ ընդլայնված կազմով հանդիպումից հետո,- «Մենք քննարկում ենք այս որոշման նախագիծը։ Եթե որոշում կայացնեն քաղաքական առաջնորդները, ՀԱՊԿ ղեկավարները այդ առաքելությունը կիրականացնեն»։
«Արևմուտքի խիստ պատժամիջոցներն ու քարոզչական ճնշումը խոչընդոտում են ՀԱՊԿ տարածքում առաջացող ճգնաժամային իրավիճակների կարգավորմանը», - ըստ BelTA-ի ՝ այս մասին մարտի 31-ին ՀԱՊԿ քարտուղարության և միացյալ բարձրագույն շտաբի ընդլայնված նիստում հայտարարել է ՀԱՊԿ գլխավոր քարտուղար Իմանգալի Տասմագամբետովը։
