Ադրբեջանում երկրաշարժ է գրանցվել

Ադրբեջանում 4,2 մագնիտուդ ուժգնությամբ երկրաշարժ է տեղի ունեցել։ Ստորգետնյա ցնցումները գրանցվել են տեղական ժամանակով 11:13-ին Իսմայիլի շրջանում։ Այս մասին հայտնում են ադրբեջանական լրատվականները։ Այլ մանրամասներ չեն հաղորդվում։

Հիշեցնենք` փետրվարի 6–ին` ժամը 05.17–ին, Թուրքիայի Ղահրամանմարաշ գավառում երկրաշարժ էր տեղի ունեցել, որն ավերածությունների էր հանգեցրել մի շարք քաղաքներում։