Պրահան սպառել է Ուկրինային օգնելու հնարավորությունները․ Չեխիայի նախագահ

Չեխիան հնարավորինս օգնեց Ուկրաինային զենքի մատակարարման հարցում, սակայն Պրահան դրա համար այլեւս նոր հնարավորություններ չունի։ Այս մասին հայտնել է երկրի նախագահ Պիտեր Պավելը։

«Չեխիան հնարավորինս օգնեց Ուկրաինային զենքի մատակարարման հարցում, սակայն նա դրա հնարավորությունն այլևս չունի»,- ասել է պետության ղեկավարը գերմանական Süddeutsche Zeitung թերթին տված հարցազրույցում։

Նրա խոսքով, Չեխիան որոշակի հնարավորություններ ունի հակաօդային պաշտպանության և զինամթերքի արտադրության ոլորտում, սակայն վերջինս կարող է խնդրահարույց լինել աշխատուժի պակասի պատճառով՝ հանրապետությունում ներկայիս շատ ցածր գործազրկության մակարդակով։ Որպես ստեղծված իրավիճակից ելք Պավելն առաջարկել է աշխատողներ ներգրավել Ուկրաինայից։

Բացի այդ, Չեխիայի ղեկավարը հավանություն է տվել Գերմանիայի իշխանությունների՝ Leopard 2 տանկերը Կիև տեղափոխելու մասին, Պավելն ընդգծել է, որ դա «բացում է դռները մնացած բոլոր երկրների համար»։ Միաժամանակ նա նշել է, որ «հաջող հարձակման» համար Ուկրաինային անհրաժեշտ են զրահատեխնիկա, հրետանի, զինամթերք և հակաօդային պաշտպանության համակարգեր։ Նաև, շարունակեց Պավելը, կօգնեն նաև ՄիԳ-29 կործանիչները, որոնք Լեհաստանն ու Սլովակիան մտադիր են տեղափոխել Կիև։ Չեխիայի նախագահն ասել է, որ «յուրաքանչյուր ինքնաթիռ նշանակություն ունի»։ Նա պարզաբանել է, որ արեւմտյան կործանիչների տրամադրումը տրամաբանական քայլ կլինի, բայց երկարաժամկետ հեռանկարում։ Նրա կարծիքով, այս տարին վճռորոշ է լինելու Ուկրաինայի հակամարտության զարգացման համար։