Իրանը խիստ պատասխան կտա սահմանին կարգուկանոնն ու անվտանգությունը խախտողներին

Իրանի սահմանապահ ծառայության հրամանատար Սարդար Ահմադ Ալի Գուդարզին այցելել է Խոդաֆարին հատվածի սահման։ Պատասխանելով լրագրողների հարցերին՝ Գուդարզին ասել է. 

 «Իրանի Իսլամական Հանրապետության սահմաններն ունեն անհրաժեշտ կայունություն և անվտանգություն, և դիվանագիտական ​​հարաբերություններին զուգահեռ՝ փոխադարձ հարգանք կա հարևան երկրների սահմանապահների միջև։ Կա լայնածավալ համակարգում հարևան երկրների սահմանային ծառայությունների հետ, և այն, ինչ մենք տեսնում ենք Խոդաֆարինում և «Արևելյան Ադրբեջանի» սահմաններում, անվտանգությունն է»։

Գուդարզին, հույս հայտնելով հարեւան երկրների սահմաններին խաղաղություն հաստատելուն, նշել է Իրանի պատրաստակամությունը` աջակցելու խնդիրների կարգավորմանը եւ հավելել.

«Մեր ջանասեր սահմանապահների ներկայությամբ Իրանի սահմաններն ունեն անհրաժեշտ ուժ, և մենք խիստ պատասխան կտանք կարգն ու անվտանգությունը խախտողներին և մաքսանենգներին»։