ՌԴ պաշտպանության նախարար Սերգեյ Շոյգուն հեռախոսազրույց է ունեցել իր ամերիկացի գործընկեր Լլոյդ Օսթինի հետ, զրույցը կայացել է ամերիկյան կողմի նախաձեռնությամբ։ Այս մասին չորեքշաբթի հայտնել են ՌԴ պաշտպանության նախարարությունից։

«2023 թվականի մարտի 15-ին ամերիկյան կողմի նախաձեռնությամբ հեռախոսազրույցներ են տեղի ունեցել Ռուսաստանի Դաշնության պաշտպանության նախարար, բանակի գեներալ Սերգեյ Շոյգուի և Ամերիկայի Միացյալ Նահանգների պաշտպանության նախարար Լլոյդ Օսթինի միջև»,- հայտնել են նախարարությունից։

Ավելի վաղ հայտնի էր դարձել, որ Ռուսաստանի պաշտպանության նախարար Սերգեյ Շոյգուն բանակցություններ է վարել Սիրիայի պաշտպանության նախարար Ալի Մահմուդ Աբասի հետ։