ՏԵՍԱՆՅՈՒԹ․ Պայթյունը ավերել է բնակելի շենքի երկու հարկ․ կան տուժածներ․ ՌԴ
Պայթյունը տեղի է ունեցել Չիտայի բնակելի շենքում, ՏԱՍՍ-ին հայտնել են ՌԴ արտակարգ իրավիճակների նախարարության մամուլի ծառայությունից։
«Չիտայի՝ Անտիպիխա գյուղի, Բորովայա փողոցում պայթյուն է եղել հինգ հարկանի բնակելի շենքում, ավերվել են չորրորդ և հինգերորդ հարկերը»,- հայտնել են ԱԻՆ-ից։
Արտակարգ պայթունի մասին տեղեկությունը հաստատել են նաև ՆԳՆ տարածքային վարչությունում՝ հավելելով, որ տեղի է ունեցել կենցաղային գազի պայթյուն։ Գերատեսչությունը հայտնել է նաև տուժածների մասին։
Արտակարգ իրավիճակների ծառայությունները հայտնել են, որ վնասվել է առնվազն հինգ բնակարան։
Լրատվականի տեղեկությամբ փլատակների տակից երկու երեխա են դուրս բերել և շուն։ Այժմ փրկարարները փնտրում են փլատակների տակ գտնվող կնոջը։
Ընդհանուր առմամբ այս պահի դրությամբ հաջողվել է փրկել 8 մարդու։ Որոնողական աշխատանքները շարունակվում են։
Գազի պայթյունի հետևանքով զոհերի թիվը հասել է վեցի, փրկվել է 11 մարդ։
