Թուրքիայում դատախազությունը 3000 տարվա ազատազրկում է խնդրել Ստամբուլի ահաբեկչի համար
Ստամբուլի գլխավոր դատախազությունը մինչև 3000 տարվա ազատազրկում է խնդրել Սիրիայի քաղաքացի Ահլամա Ալբաշիրի համար, ով մեղադրվում է Իսթիքլալ փողոցում ահաբեկչություն իրականացնելու մեջ, որի հետևանքով 6 մարդ է զոհվել։ Երկուշաբթի՝ մարտի 6-ին, հայտնել է Anadolu գործակալությունը։
Ալբաշիրին առաջադրված մեղադրանքների թվում են «պետության միասնության և երկրի ամբողջականության խախտում», ահաբեկչական կազմակերպությանը մասնակցություն, երեխայի սպանություն և վտանգավոր նյութերի ապօրինի պահպանում։ Ընդհանուր առմամբ, դատախազությունը կնոջ համար յոթ ցմահ ազատազրկում է խնդրել, նշվում է գործակալության նյութում։
Ըստ դատախազների՝ Ալբաշիրը և հարձակման երկրորդ հեղինակը՝ հետախուզվող Բիլալ Հասանը, Քրդստանի աշխատավորական կուսակցության (PKK) սիրիական թևի հետախույզներ են, որոնց Թուրքիան, Եվրամիությունը և Միացյալ Նահանգները ճանաչել են որպես ահաբեկչական կազմակերպություն։
Ընդհանուր առմամբ, մեղադրական եզրակացությունում նշվում է է 36 մարդու մասին, հայտնում է Anadolu-ն։ Հարձակման գործով առաջին դատական նիստը նշանակված է մայիսի 9-ին։
Ստամբուլի կենտրոնում գտնվող Իսթիքլալ զբոսաշրջային փողոցում պայթյունը տեղի է ունեցել 2022 թվականի նոյեմբերի 13-ին։ Արդյունքում վեց մարդ զոհվել է, մոտ հարյուրը՝ վիրավորվել։
Թուրքիայի ՆԳՆ-ի տվյալներով՝ Ստամբուլում ահաբեկչություն իրականացնելու հրամանը եկել է սիրիական Քոբանի քաղաքից։ Փետրվարի վերջին Թուրքիայի ազգային հետախուզական կազմակերպությունը հայտնել էր ահաբեկչության ենթադրյալ կազմակերպիչներից մեկի՝ Խալիլ Մենջիի սպանության մասին։
