Հայաստանը՝ Մարսի հետազոտությունների կենտրոն․ տիեզերագնացները վարժանքներ կանցկացնեն հայկական լեռներում
Մեկ ամսով Հայաստանը կդառնա Մարսի հետազոտությունների կենտրոն։ Տիեզերագնացներն ակնկալում են, որ ավելի քան 250 միջազգային հետազոտողներ գիտական աջակցություն կցուցաբերեն առաքելությանը: Այս մասին հաղորդում է ավստրիական գիտական Futurezone.at կայքը։
Նշվում է, որ Հայաստանը կդառնա Մարս մոլորակի հետազոտությունների սիմուլյացիայի վայրը։
«Սա մեր 14-րդ մոդելավորումն է»,- չորեքշաբթի Վիեննայում կայացած մամուլի ասուլիսում ասել է Ֆորումի տնօրեն Գերնոտ Գրյոմերը։
Հայաստանում մարզումները տեղի կունենան բարձրադիր ժայռոտ վայրերում, որոնք նման են Մարսի ռելիեֆին։
«Հայաստանը Կարմիր մոլորակի երկրաբանական երկվորյակն է»,- ասում է Գրյոմերը:
Առաքելության անձնակազմն արդեն որոշված է։ Հայաստան կժամանեն տիեզերագնացներ Ավստրիայից, Գերմանիայից, Իսրայելից, Իտալիայից և Մեծ Բրիտանիայից` 2 կին և 4 տղամարդ։
