Ամենամահաբեր աղետը. Կալիֆոռնիայում զոհեր կան

CNN-ի հաղորդմամբ՝ Կալիֆոռնիայում ԱՄՆ ռազմաօդային ուժերի B-52 ռմբակոծիչի կործանման հետևանքով զոհվել է անձնակազմի ութ անդամ։

Ավիավթարի մասին հայտնի է դարձել հունիսի 15-ի առավոտյան։ Ռազմական ինքնաթիռը կործանվել է ավիաբազայից օդ բարձրանալուց կարճ ժամանակ անց։ Ռմբակոծիչը կատարում էր պլանային փորձնական թռիչք։ Ներկայումս արտակարգ ծառայությունները վերացնում են դեպքի հետևանքները, իսկ օդանավակայանը ժամանակավորապես փակ է։

«Սա B-52 ռմբակոծիչի մասնակցությամբ ամենամահաբեր աղետն է 1982 թվականից ի վեր։ Այդ վթարի ժամանակ Մեյզեր ավիաբազայում անցկացվող ուսումնական փորձարկումների ընթացքում զոհվել էր անձնակազմի ինը անդամ»,- նշել է հեռուստաալիքը։

Boeing B-52 Stratofortress-ը հեռահար գործողության ռազմավարական ռմբակոծիչ է, որն օգտագործվում է ռազմական առաջադրանքների իրականացման համար։ Այն կարող է զարգացնել մեծ արագություն և բարձրանալ ավելի քան 15 կիլոմետր բարձրության։

Մեկ օր առաջ ԱՄՆ-ում տեղի էր ունեցել ևս մեկ ողբերգություն։ Ավիավթար էր գրանցվել Կանզաս Սիթիի մերձակայքում։ Կործանվել էր մասնավոր թեթև շարժիչով ինքնաթիռ։ Դեպքի հետևանքով զոհվել էր 12 մարդ։ Զոհերի թվում եղել են պարաշյուտիստներ և օդաչուն։ Ինքնաթիռը թռիչքից անմիջապես հետո անհայտ պատճառով շրջադարձ էր կատարել, ապա կտրուկ ընկել մայրուղու վրա։