Ոստիկանությունը` Կարբիում պարեկին 2-րդ հարկից ցած նետելու լուրերի մասին
Քիչ առաջ հայտնեցինք, որ Կարբի գյուղում բնակիչներրը 2-րդ հարկից ցած են նետել պարեկին՝ գողություն կատարելու կասկածանքով:
Ոստիկանությունից Auroranews-ին հայտնեցին, որ երեկ ոստիկանությունը Կարբիից բնակարանային գողության մասին ահազանգ է ստացել, իսկ կեսգիշերին 1987 թվականին ծնված մի տղամարդ, ոստիկանների ուղեկցությամբ, տեղափոխվել է «Աշտարակ» բժշկական կենտրոն։
Ճշտող հարցին, թե չե՞ն կարող նույնականացնել՝ այդ տղամարդը պարեկ է, թե՞ ոչ, ոստիկանության հասարակայնության հետ կապի և լրատվության վարչության պետ Զարզանդ Գաբրիելյանը տվեց ժխտողական պատասխան, հավելելով․
«Նախաքննական մարմինը մանրամասներ կտրամադրի»։