5.6 մագնիտուդ ուժգնությամբ նոր երկրաշարժ` Թուրքիայում
Թուրքիայի արևելքում գտնվող Մալաթիա քաղաքից 8 կիլոմետր հարավ-արևմուտք տեղի է ունեցել 5,6 մագնիտուդ ուժգնությամբ երկրաշարժ։ Այս մասին հայտնում է Թուրքիայի արտակարգ իրավիճակների գրասենյակի կայքը։ Տեղեկատվությունը փոխանցում է kommersant.ru-ն:
Երկրաշարժը տեղի է ունեցել տեղական ժամանակով 12:04-ին: Ավերածությունների և զոհերի մասին դեռևս չի հաղորդվում։
Հիշեցնենք` փետրվարի 6-ի գիշերը 7,7 մագնիտուդով երկրաշարժ է տեղի ունեցել Թուրքիայում, այն զգացվել է նաև Սիրիայում։ Թուրքիայում զոհերի թիվը գերազանցել է 4ձ հազարը, Սիրիայում, ըստ պաշտոնական տվյալների, զոհ է դարձել 1,5 հազարը, փետրվարի 20-ին երկու երկրների սահմանին կրկին երկրաշարժեր են տեղի ունեցել։
