«Նրանք թքած չունեին». ռուս աղջիկը Երևանում մոլորվել է, իսկ հայ պատանիները հիացրել են նրան
«Ես տոպոգրաֆիկ կրետինիզմ ունեմ։ Սա այն խնդիրն է, երբ ճանապարհը հիշելու համար պետք է մոտ 600 անգամ քայլես ու եթե 601-րդ անգամ բան չփոխվի, հնարավոր կլինի Ա կետից Բ կետ հասնել առանց խնդիրների։ Եթե ճանապարհի կեսին մի տեղ նոր խանութ է հայտնվում, ամեն ինչ կորած է:
10 տարի ապրել եմ Մոսկվայում, հիմա էլ ապրում եմ Երեւանում»,- այս մասին իր ֆեյսբուքյան էջում գրել է ՌԴ-ից Երևան տեղափոխված Նատալիա Նեչայանան և պատմել իր պատմությունը:
Նա մասնավորապես գրել է, որ երեկոյան ժամը 10-ի սահմաններում իր հեռախոսի մարտկոցը նստել է, իսկ վերը նշված հիվանդության պատճառով նա առանց քարտեզի չի կարողացել գտնել իր երևանյան բնակարանը: Մոլորված ու խառնված աղջիկը փողոցում հանդիպում է մի խումբ հայ պատանիների: Նատալիան հայերեն երկու բառի է տիրապետում` բարև ձեզ:
Մոտենում է և երեխաներին խնդրում օգնել իրեն` գտնել տունը: Տղաները հեռախոսներում քարտեզ չեն ունենում, բայց անօգնական չեն թողնում Նատալիային: Նրանք ուղեկցում են նրան` փորձելով գտնել վերջինիս հասցեն: Ճանապարհին նրանց միանում են մի խումբ հայ աղջիկներ, որոնք օգնության են ներգրավվում իրենց տատիկին: Հաջորդիվ ևս մի խումբ երեխաներ են միանում: Համատեղ ջանքերով պատանիները Նատալիային մոտեցնում են այն շենքին, որտեղ նա բնակվում է: Սակայն, քանի որ շենքը մի քանի մուտք է ունենում, նրան օգնում են գտնել հստակ մուտքը:
Նատալիան հիացած ու ապշած է` «հայ պատանիները թքած չունեին ինձ վրա, սկայն կարող էին և դա նորմալ կլիներ»:
Այս ամենի ֆոնին պատմության հերոսուհին հիշում է, որ 12 տարեկան հասակում Ռուսաստանում պատահաբար սխալ երթուղային է նստել: Մոլորվել է: Վարորդից հեռախոս է խնդրել` մորը զանգելու համարար: Վարորդը նրան պարզապես մերժել է` թողնելով անօգնական:
Այս համեմատությունից հետո իր գրառման մեջ Նատալիան նաև հիշել է Թուրքիայի ավերիչ երկրաշարժը և ՀՀ-ի կողմից ուղարկված օգնությունը, այն դեպքում երբ 1915 թվականին Թուրքիան ցեղասպանել է հայ ժողովրդին, իսկ 2020-ին օգնել Ադրբեջանին` 44-օրյա պատերազմում:
«Հայերը լավագույն մարդիկ են աշխարհում»,- գրել է Նատալիան:
«Եթե ինչ-որ մի օր որոշեմ քաղաքականությամբ զբաղվել, իմ կարգախոսը կլինի` «աշխարհի բոլոր մարդկանց վերածենք հայերի»: Ու դա շատ տրամաբանական կլինի»,- եզրափակել է Նատալիան:
