Լեհաստանից առաջին Leopard 2 տանկերն Ուկրաինայում են, ուրբաթ ասել է պաշտպանության նախարար Մարիուշ Բլաշչակը Լեհաստանի Ազգային անվտանգության խորհրդի նիստում։ 
 

«Լեհական Leopard առաջին տանկերն արդեն ժամանել են Ուկրաինա»,- նախարարի խոսքերն է մեջբերում լեհական Radio ZET-ը։
 

Այս տեղեկությունը հաստատել է Կիևում գտնվող Լեհաստանի կառավարության ղեկավար Մատեուշ Մորավիեցկին։
 

«Լեհաստանը Ուկրաինային է հանձնում Leopard 2 A4 առաջին չորս տանկերը, մենք շուտով կմատակարարենք հաջորդները»,- Մորավիեցկու խոսքերն է մեջբերում լեհական ռադիոն։
 

Նշվում է, որ ընդհանուր առմամբ, Լեհաստանը խոստացել է 14 Leopard 2 տանկ փոխանցել Ուկրաինային։