Ադրբեջանի ոստիկանությունը տեղեկություն է ստացել Չայլի գյուղը Գորանբոյի Յոլգուլուլար գյուղի հետ կապող կամրջի մետաղական կառուցվածքի գողության մասին։ Այս մասին գրում են ադրբեջանական լրատվականները։ 

Հանցագործություն կատարելու կասկածանքով ոստիկանության աշխատակիցները բերման են ենթարկել Շեմկիրի շրջանի բնակիչներ՝ Իլքին Քամալզադեին, Խայալ Ալիևին, Էլգուն Մամեդովին և Գորանբոյի շրջանի բնակիչ Շուքյուր Բաբաևին։ 

Ձերբակալվածները խոստովանել են, որ ապամոնտաժել են երկաթե կամուրջը՝ այն հետագա վաճառքի նպատակով։ 

Ոստիկանության Գյոյգոլի շրջանային բաժնում հետաքննություն է ընթանում։