ՏԵՍԱՆՅՈՒԹ. Մխիթարյանի գեղեցիկ գոլը նպաստեց «Ինտերի» հաղթանակին
Իտալիայի ֆուտբոլի առաջնության 23-րդ տուրում «Ինտեր»-ը մրցել է «Ուդինեզե»-ի հետ: Միլանում կայացած խաղում «Ինտեր»-ն առավելության է հասել 3:1 հաշվով: WhoScored պորտալն այս խաղում ամենաբարձր գնահատականը տվել է հենց հայ ֆուտբոլիստին՝ 8,3։
«Կապույտների» հաղթանակին նպաստել է նաև Հայաստանի ֆուտբոլի ազգային թիմի նախկին ավագ Հենրիխ Մխիթարյանի գոլը: Հայ կիսապաշտպանը դիպուկ հարվածով աչքի է ընկել 73-րդ րոպեին: «Ինտեր»-ի կազմում գոլերը խփել են նաև Ռոմելու Լուկակուն և Լաուտարո Մարտինեսը:
Այս հաղթանակից հետո «Ինտեր»-ը Սերիա Ա-ի մրցաշարային աղյուսակում մնում է երկրորդ տեղում և ունի 47 միավոր: Առաջատար «Նապոլի»-ն հավաքել է 62 միավոր:
