Թուրքական ակումբը ցանկացել է գնել հայ ֆուտբոլիստին. Զախարյանը վճռական մերժել է
Մոսկվայի «Դինամոյի» եւ Ռուսաստանի հավաքականի 19-ամյա կիսապաշտպան Արսեն Զախարյանը վերահաստատել է, որ Թուրքիայում հանդես գալու ցանկություն չունի։
«Ես չեմ դիտարկում «Գալաթասարայում» կարիերաս շարունակելու տարբերակը անձնական պատճառներով»,- ասել է Զախարյանը championat.com-ին։
Թուրքական մամուլը գրել էր, որ ստամբուլյան ակումբը համաձայնության է հասել Մոսկվայի «Դինամոյի» հետ Զախարյանի տրանսֆերի հարցում։ Ռուսական ակումբը տրանսֆերից կարող էր ստանալ 15 միլիոն եվրո։ Արսեն Զախարյանի համաձայնությունը ակումբները չեն ստացել։
Այս մրցաշրջանում հայ ֆուտբոլիստը «Դինամոյի» հետ մասնակցել է 22 հանդիպման, խփել է 3 գոլ, կատարել 6 գոլային փոխանցում։
