ՏԵՍԱՆՅՈՒԹ. 10-12 հոգու հետ կգնանք տեսչական մարմին` հարցին վերջնմական լուծում տալու. «Մալաթիա» տոնավաճառի տնօրեն

«Ժողովուրդ ջան, դուրս եմ եկել ձեզ խնդրելու, որ ձեր ընկերներից 10-12 հոգու հետ կգնանք տեսչական մարմին, այսքանով այստեղ մնալ, սպասել պետք չէ: Ես չեմ ուզում մնաք ու հիվանդանաք»,- այս մասին ասաց «Մալաթիա» տոնավաճառի տնօրեն Սամվել Ավետիսյանը: 

«Խնդրում եմ տուն գնացեք, վաղը առավոտյան ժամը 9:30 կհավաքվենք այստեղ: Հիմա պետք է գնանք տեսչական մարմին, այնտեղ պետք է քննարկենք: Մենք չենք ընդդիմանում տեսչական մարմնին, իրենք մեզ ասել են խախտումները, մենք ուղղումներն անում ենք: Մենք միայն ուզում ենք աշխատել»,- ասաց Ավետիսյանը` դիմելով բողոքի դուրս եկած տոնավաճառի աշխատակիցներին: 

Տնօրենը հայտնեց, որ այսօր 10-12 աշխատակիցների հետ միասին պետք է գնան հանդիպելու տեսչական մարմնի պետի՝ Գարեգին Խաչատրյանի հետ:

Տեսչական մարմնի հետ իրենք երեկ առավոտյան պայմանավորվել էին, որ պետք է թույլ տան աշխատել, սակայն երեկոյան ուղարկել են աշխատակիցներ, որոնք ամբողջ տարածքը ստուգել են. «Նայեցին, որ շատ հրդեհավտանգ չի, այսօր պետք է պատասխան տան՝ քանի՞ օր ժամանակ են տալիս թերությունները շտկելու համար»:

Հիշեցնենք՝ Քաղաքաշինության, տեխնիկական և հրդեհային անվտանգության տեսչական մարմնի ղեկավարի որոշմամբ «Մալաթիա» տոնավաճառը այսօրվանից՝ փետրվարի 1-ից, փակվում է: