Կիևում Twitter-ին մեղադրել են ցանցում Ուկրաինայի ժողովրդականությունը նվազեցնելու մեջ
Ուկրաինայում Twitter-ին մեղադրել են ցանցում Ուկրաինայի ժողովրդականությունը նվազեցնելու մեջ: Հանրապետության նախագահի գրասենյակի ղեկավարի խորհրդական Միխայիլ Պոդոլյակի խոսքով՝ Իլոն Մասկը միտումնավոր նվազեցնում է Ուկրաինայի իշխանությունների էջերի լսարանը։
Մասնավորապես, Պոդոլյակը դիմել է Իլոն Մասկին և հորդորել դադարեցնել Ուկրաինայի պաշտոնական հաշիվների լսարանի ստիպողական կրճատումը:
«Ամեն ինչ չափազանց ակնհայտ է»,- գրել է Պոդոլյակը Twitter-ում:
Ավելի վաղ Մասկը նախազգուշացրել էր Կիևին Ղրիմի վրա հարձակումից։ «Ես ուկրաինամետ եմ, բայց նման քայլերը շատ ռիսկային են Ուկրաինայի և աշխարհի համար»,- գրել էր ամերիկացի գործարարը։