Հայրը սպանել է իր 18-ամյա խորթ որդուն և մի քանի օր մարմինը թաքցրել մեքենայի մեջ․ ՌԴ
Ռուսաստանի Ուստյուգ քաղաքում տղամարդը կասկածվում է իր 18-ամյա խորթ որդուն սպանելու մեջ։ Այս մասին հայտնում են Քննչական կոմիտեի լրատվական ծառայությունից։
Երիտասարդի մայրը դիմել է ոստիկանությաւն և հայտնել, որ որդին մի քանի օր է, ինչ տուն չի եկել և դադարել է կապի դուրս գալ։ Հետախուզման ժամանակ իրավապահները երիտասարդի անհետացման մեջ կասկածել են կնոջ ամուսնուն։
Հարցաքննության ժամանակ տղամարդը խոստովանել է սպանությունը։ Իրավապահները բնակարանում հայտնաբերել են արյան հետքեր, իսկ խորթ հոր մեքենայի մեջ հայտնաբերել երիտասարդի դին։
Նախնական վարկածով՝ խորթ որդու հետ մենակ մնացած տղամարդը սպանել է նրան, դիակը թաքցրել է մեքենայում, սրբել բնակարանի արյան հետքերը և կնոջը չի պատմել կատարվածի մասին։ Այս պահին տղամարդը բերման է ենթարկվել:
Նրա դեմ քրեական գործ է հարուցվել։
