Զախարյանի տրանսֆերը «Չելսի» հավանական է․ Յարովինսկի
Կազանի «Ռուբինի» նախկին մարզական տնօրեն Օլեգ Յարովինսկին կարծում է, որ Արսեն Զախարյանի տրանսֆերը Լոնդոնի «Չելսի» հավանական է:
«Սա հազվագյուտ դեպք է։ Արսենի նկատմամբ հետաքրքրությունը, կարծում եմ, իրական պատմություն է։ Բացի Զախարյանին ձեռք բերելու «Չելսիի» ցանկությունից, պետք է նաև վստահ լինել, որ այս գործարքը զուտ ֆինանսապես է հնարավոր։ Բայց դա այնքան էլ հեշտ չէ, որքան թվում է: Մինչև 2022 թվականը ֆուտբոլային աշխարհն ուներ տրանսֆերային գործունեության իրականացման բավականին պարզ և թափանցիկ սխեմա, որն ապահովագրում էր գնորդ ակումբին, վաճառող ակումբին և հենց խաղացողին բացասական հետևանքներից։
Հիմա ռուսական ակումբների համար այս համակարգը գոյություն չունի։ Գործարքները կատարվում են մեծ ռիսկով: Ռուսական ակումբներն, ամենայն հավանականությամբ, կկորցնեն ոչ միայն ֆուտբոլիստի, այլ նաև նրա համար վճարված գումարը։ Փաստաթղթերը ստորագրելը բավարար չէ, կարևոր է, որ գումարը փոխանցվի»,- Օլեգ Յարովինսկիի խոսքերը մեջբերում է Sport24-ը:
Ավելի վաղ հաղորդվում էր, որ անգլիական ակումբը հակառուսական պատժամիջոցների պատճառով հունվարին չի կարող իրականացնել 19-ամյա ֆուտբոլիստի տրանսֆերը:
