Ռոնալդուն կվերադառնա Եվրոպա․ ինչ է պատմել «Ալ Նասրի» գլխավոր մարզիչը

«Ալ Նասրի» գլխավոր մարզիչ Ռուդի Գարսիան կարծում է, որ Կրիշտիանու Ռոնալդուն չի ավարտի մարզական կարիերան Սաուդյան Արաբիայում։

Մասնագետի կարծիքով՝ պորտուգալացի հարձակվողը դեռ ժամանակ կունենա Եվրոպայում խաղալու համար։

«Նա աշխարհի լավագույն ֆուտբոլիստներից մեկն է: Ռոնալդուն կարիերան չի ավարտի «Ալ Նասրում», նա կվերադառնա Եվրոպա»,- մեջբերում է Գարսիային Sport.es-ը։

Դեկտեմբերի վերջին 37-ամյա Ռոնալդուն 2,5 տարվա պայմանագիր է կնքել «Ալ Նասրի» հետ։ Ավելի վաղ տեղեկություն էր հայտնվել, որ Ռոնալդուն կարող է համալրել «Նյուքասլի» կազմը, եթե անգլիական թիմը ՉԼ-ի ուղեգիր ձեռք բերի։ Ռոնալդուի՝ կարիերան շարունակելու մյուս հավանական տարբերակը նրա հարազատ ակումբն է՝ «Սպորտինգը»։