Իսրայելի ոստիկանությունը հայտնել է, որ Արևելյան Երուսաղեմում սինագոգի մոտ տեղի ունեցած ահաբեկչությունից հետո ձերբակալվել է 42 մարդ, հայտնում է Times of Israel տեղական թերթը։

Ուրբաթ երեկոյան Իսրայելի ոստիկանությունը հայտնել է Արեւելյան Երուսաղեմում սինագոգի վրա ահաբեկչության մասին։ Իսրայելի ոստիկանության տվյալներով՝ Նևե Յակովի շրջանում հրաձգության հետևանքով յոթ մարդ է զոհվել, ևս երեքը՝ վիրավորվել։

Այսօր ոստիկանությունը հայտնել է, որ հարձակման հետևանքով 42 մարդ է բերման ենթարկվել։

Իրավապահների տվյալներով՝ ձերբակալվածների թվում կան ահաբեկչի հարազատներ կամ ծանոթներ։ Պարզվել է, որ ահաբեկիչը Արեւելյան Երուսաղեմի 21-ամյա բնակիչ Ալքամ Խայրին է։