Ուկրաինայի նախագահ Վլադիմիր Զելենսկին ասել է, որ «շատ ուշ կլինի», եթե ամերիկյան M1 Abrams տանկերը Ուկրաինա հասնեն մինչև օգոստոս։ Տեղեկատվությունը փոխանցում է RT-ն։ Այս մասին Զելենսկին ասել է Sky News հեռուստաալիքի եթերում։ Ուկրաինայի նախագահի խոսքով՝ Կիևին անհրաժեշտ են արևմտյան նոր զինատեսակներ որքան հնարավոր է շուտ։ Հեռուստաալիքի լրագրողը նրան հարցրել է, թե արդյոք նա ժամանակավրեպ չի համարում, եթե մինչեւ օգոստոս տանկերը հասնեն Ուկրաինա։

«Շատ ուշ կլինի», - ասել է Զելենսկին:

Ավելի վաղ Սպիտակ տան Ազգային անվտանգության խորհրդի ռազմավարական հաղորդակցության համակարգող Ջոն Քիրբին հայտարարել էր, որ ամերիկյան M1 Abrams տանկերը Ուկրաինա տեղափոխելու համար «շատ ամիսներ» կպահանջվեն։