Գերմանիայի Դաշնային հետախուզական ծառայությունն անհանգստացած է Ուկրաինայի արևելյան Դոնբասում Բախմուտ քաղաքի համար մղվող մարտերում Ուկրաինայի զինված ուժերի մեծ կորուստներով։ Ինչպես գրում է Der Spiegel-ը, գերմանական արտաքին հետախուզության ներկայացուցիչները Բունդեսթագում գաղտնի հանդիպման ժամանակ գերմանացի քաղաքական գործիչներին հայտնել են, որ ուկրաինական բանակը Բախմուտի մոտ մարտերում ամեն օր եռանիշ թվով զինվոր է կորցնում։

Գերմանական հետախուզական ծառայության կարծիքով՝ ռուսների կողմից Բախմուտի գրավումը լուրջ հետեւանքներ կունենա, քանի որ դա թույլ կտա ռուսական զորքերին ավելի խորանալ դեպի Ուկրաինա։ 

Ներկայացուցիչները նշում են, որ ռուսական բանակը Բախմուտի մոտ գործել է «անխնա դաժանությամբ»՝ զինվորներին հարձակման մեջ նետելով «թնդանոթի մսի» պես։ Հետախուզական ծառայությունը ենթադրում է, որ ռուս զինվորականների շրջանում մեծ կորուստները էական դեր չեն խաղում Ռուսաստանի պատերազմական մարտավարության մեջ։