Հերթական բացահայտումը. Բայդենի տանը կրկին գաղտնի փաստաթուղթ են հայտնաբերել

ԱՄՆ արդարադատության նախարարության աշխատակիցները նախագահ Ջո Բայդենի տանը 13-ժամյա խուզարկությունից հետո հայտնաբերել են ևս վեց գաղտնի փաստաթուղթ, լրագրողներին հայտնել է փաստաբան Բոբ Բաուերը, փոխանցում է BBC-ն: 

Որոշ փաստաթղթեր թվագրվում են Բայդենի սենատոր լինելու ժամանակահատվածին, մյուսները՝ փոխնախագահ լինելու ժամանակաշրջանին:

«Նախագահը լիազորել է քննիչներին խուզարկել տարածքը՝ տեսնելու, թե արդյոք կա՞ն փաստաթղթեր՝ կապված փոխնախագահի պաշտոնում նրա գործունեության կամ գաղտնի նյութերի հետ»,- ասել է փաստաբանը: 
Խուզարկության ժամանակ Բայդենն ու կինը ներկա չեն եղել։