Սիրիայում սպանվել են ԻՊ-ի բարձրաստիճան հրամանատարը և իր երկու զինակիցները

Սիրիայի անվտանգության ուժերը երկրի հարավում ոչնչացրել են ԻՊ ահաբեկչական խմբավորման բարձրաստիճան հրամանատար Մոհամմեդ Ալի աշ-Շագուրիին։ Սպանվել են նաեւ նրան ուղեկցող երկու զինյալներ։ Այս մասին գրում է Life.ru-ն:
 

Ինչպես հայտնում է SANA-ն՝ վկայակոչելով Սիրիայի անվտանգության մարմինների աղբյուրին, ահաբեկիչների ոչնչացման գործողությունը տեղի է ունեցել Ալ-Մուսեյրիբ քաղաքում։ 

Գործակալության անանուն զրուցակցի խոսքով՝ ալ-Շաղուրին Դարաայի արևմուտքում գտնվող զինյալների առաջնորդներից մեկն էր: Մասնավորապես, նա զբաղվել է հարձակումների ու սպանությունների կազմակերպմամբ։