Աղվեսները սկսել են ավելի հաճախ հայտնվել Մոսկվայի փողոցներում․ մասնագետը բացատրում է, թե ինչու
Աղվեսները սկսել են ավելի հաճախ հայտնվել Մոսկվայի փողոցներում, դա կապված է կենդանիների մոտ սկսված զուգավորման սեզոնի հետ: Այս մասին հայտնել է մայրաքաղաքի բնապահպանության և կենսաբազմազանության պահպանման բաժնի ղեկավար Սերգեյ Բուրմիստրովը, փոխանցում է «ՌԻԱ Նովոստին»։
Մասնագետի խոսքով՝ աղվեսները հաճախ շրջում են քաղաքում՝ չվախենալով մարդկանցից՝ փնտրելով զուգընկեր և բազմանալու տեղ։ Լինում են դեպքեր, երբ որպես բնակարան ընտրում են մանկապարտեզների, դպրոցների, հիվանդանոցների տարածքները։
Մասնագետները հիշեցնում են նաեւ, որ աղվեսները վայրի կենդանիներ են, նրանց մոտենալը վտանգավոր է, չի կարելի շոյել կամ կերակրել։
