Կրիպտոարդյունաբերության և բլոկչեյնի ռուսական ասոցիացիայի գործադիր տնօրեն Ալեքսանդր Բրաժնիկովը «Վեդոմոստի»-ին ասել է, որ Իրանի Կենտրոնական բանկը դիտարկում է Ռուսաստանի հետ համատեղ պարսկական տարածաշրջանի որոշակի տոկեն ստեղծելու հնարավորությունը, որը կարող է արտաքին առևտրային հաշվարկներում օգտագործվել որպես վճարման միջոց դոլարի, ռուբլու և իրանական ռիալի փոխարեն։ 

Պետդումայի տեղեկատվական քաղաքականության, տեխնոլոգիաների և հաղորդակցության հանձնաժողովի անդամ Անտոն Տկաչովը հաստատել է բանակցությունների փաստը: Նա նաև նշել է, որ այդ հարցը պետական մակարդակով ակտիվորեն կքննարկվի միայն այն բանից հետո, երբ Ռուսաստանում կրիպտոարժույթները լիովին կարգավորվեն։

Բրաժնիկովի խոսքով` ենթադրվում է, որ տոկենն ապահովված կլինի ոսկով, այսինքն՝ այն իր տեսակով կայուն մետաղադրամ կլինի: