ՏԵՍԱՆՅՈՒԹ. «Եկեք կոռեկտ արտահայտվենք, բիզնեսը կթու կովի հետ չհամեմատենք». Փաշինյանը` Քերոբյանին

ՀՀ կառավարությունը պարզեցնում է ալկոհոլային խմիչքների արտադրությունն ու արտահանումը: Էկոնոմիկայի նախարար Վահան Քերոբյանը հայտնեց, որ օրենքի փոփոխությունները վերաբերելու են մասնավորապես գարեջրի, խնձորի և հատապտղային գինիների, լիկյորների, մինչև 9% սպիրտի պարունակությամբ այլ խմիչքների, ինչպես նաև մինչև 100 000 լիտր շշալցված կոնյակի ներմուծմամբ զբաղվող տնտեսվարողներին։ 

«Այս ոլորտներում լիցենզիայի կամ ծանուցման վերացումը թույլ է տալու, որ ընկերությունները կամ ձեռներեցները կարողանան ավելի հեշտ մտնել շուկա և ազատվեն ավելորդ թղթաբանությունից։ Այն, մեր կարծիքով, ավելորդ է, քանի որ մենք, ըստ էության, թղթերի հետ ենք աշխատում, քան իրականում ստուգումներ ենք անում»,– ասաց Քերոբյանը։

«Ամփոփելով, հարգելի գործընկերներ, ուզում եմ ասել, որ բիզնես միջավայրը աննյութական է, սակայն մեր պատկերացմամբ դա այն կթու կովն է, որ մեզ կաթ է տալիս»,-եզրափակեց Քերոբյանը:

«Մեր բիզնես միջավայրն ավելի շատ կերակրող մայրիկի է նման, քան կթու կովի: Եկեք կոռեկտ արտահայտվենք մեր հարկ վճարողների մասին, բիզնեսը կթու կովի հետ չհամեմատենք»,- նշեց ՀՀ վարչապետը:

Մանրամասները` տեսանյութում: