Եվրոպայում գազի գներն արագացրել են աճի տեմպերը. ինչ է հայտնի
Երկուշաբթի Եվրոպայում գազի գներն արագացրել են աճի տեմպերը՝ հասնելով գրեթե 12 տոկոսի, մոտենալով հազար խորանարդ մետրի դիմաց 850 դոլարին։ Այս մասին են վկայում Լոնդոնի ICE բորսայի տվյալները։
TTF ինդեքսով փետրվարյան ֆյուչերսները բացվել են 773,6 դոլար 1000 խմ-ի դիմաց (+2%), իսկ Երևանի ժամանակով ժամը 20:46-ի դրությամբ դրանց արժեքը կազմել է 846,6 դոլար (+11,6%): Գնանշումների դինամիկան հիմնված է ուրբաթ սահմանված գնի վրա՝ 758,5 դոլար 1000 խորանարդ մետրի դիմաց:
Իսկ հունվարի 5-ին Եվրոպայում գազի բորսայական գները 2021 թվականի սեպտեմբերի 10-ից հետո առաջին անգամ իջել են հազար խորանարդ մետրի դիմաց 700 դոլարից:
