ՌԴ-ի կողմից օգտագործվող իրանական ԱԹՍ-ների մասերը պատրաստված են ամերիկյան ընկերությունների կողմից. CNN

Իրանական կամիկաձե անօդաչու թռչող սարքերը, որոնք ռուսական բանակը վերջին ամիսներին օգտագործում էր ուկրաինական ենթակառուցվածքների վրա հարձակվելու համար, հիմնականում պատրաստված են ամերիկյան ընկերությունների կողմից պատրաստված մասերից։ Այս մասին գրում է CNN-ը:

Միևնույն ժամանակ, ԱՄՆ Ազգային անվտանգության խորհրդի խոսնակ Ադրիեն Ուոթսոնը CNN-ին ասել է, որ ԱՄՆ վարչակազմը գնահատում է նոր պատժամիջոցների և արտահանման սահմանափակումներ մտցնելու հնարավորությունը այն ընկերությունների դեմ, որոնք Իրանին մատակարարում են անօդաչու սարքերի արտադրության մեջ օգտագործվող մասեր։ 

Ըստ առկա տվյալների, ռուսական բանակը սկսել է օգտագործել կամիկաձե անօդաչու թռչող սարքեր Ուկրաինայի դեմ անցյալ տարվա աշնանը։ Կիևում ասում են, որ դրանք հիմնականում իրանական արտադրության «Շահեդ» տեսակի անօդաչու թռչող սարքեր են։