Ռազմական

Միացյալ Նահանգները նոր ռազմական օգնություն կտրամադրի Կիևին

Միացյալ Նահանգները նոր ռազմական օգնություն կտրամադրի Կիևին
Միացյալ Նահանգները ծրագրում է Կիևին տրամադրել նոր ռազմական օգնություն առաջիկա օրերին և շաբաթներին, ներառյալ` HIMARS MLRS կայանքները, առցանց ճեպազրույցում այս մասին ասել է Սպիտակ տան ազգային…

Միացյալ Նահանգները ծրագրում է Կիևին տրամադրել նոր ռազմական օգնություն առաջիկա օրերին և շաբաթներին, ներառյալ` HIMARS MLRS կայանքները, առցանց ճեպազրույցում այս մասին ասել է Սպիտակ տան ազգային անվտանգության խորհրդի ռազմավարական հաղորդակցության համակարգող Ջոն Քիրբին, գրել է Kp.ru-ն:
 

Նա նաև հավելել է, որ ամերիկյան կողմը չի ակնկալում Ուկրաինայում ռազմական գործողությունների շուտափույթ ավարտ։
 

«Արևելքում (Ուկրաինա) վերջին մի քանի շաբաթների ընթացքում մարտերը հատկապես ինտենսիվ են եղել։ Կարծում եմ, որ մենք պետք է ակնկալենք, որ այս կարգի մարտերը կշարունակվեն... մենք շարունակում ենք օգնություն տրամադրել Ուկրաինային... Դուք կտեսնեք, թե ինչպես մենք դա նորից կանենք առաջիկա օրերին և շաբաթներին», - ասել է Քիրբին:
 

Մեկ օր առաջ Մեծ Բրիտանիայի վարչապետ Ռիշի Սունակը Ուկրաինային ռազմական տեխնիկայի նոր մատակարարումներ էր խոստացել։ Նրա խոսքով, Կիևը պետք է ակնկալի նման օգնություն Լոնդոնից առաջիկա շաբաթների և ամիսների ընթացքում։

 

Իսկ 2022 թվականի դեկտեմբերի վերջին Ֆրանսիայի նախագահ Էմանուել Մակրոնը հայտարարեց, որ իր երկիրը Կիևին մատակարարել է Crotale հրթիռային կայաններ և հակաօդային պաշտպանության համակարգեր, ինչպես նաև նախատեսում է զենքի նոր խմբաքանակ մատակարարել 2023 թվականի սկզբին։

Թեմաներ:

Ռազմական

Գնահատեք հոդվածը:

Դեռ գնահատական չկա

Կիսվել ընկերների հետ:

Նմանատիպ հոդվածներ

Ավելին Ռազմական բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7310) Միջազգային (3202) ԱՄՆ (2273) Ռուսաստան (2072) Իրան (1729) Ընտրություններ (1270) Ուկրաինա (817) Երևան (793) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (432) Թրամփ (426) Ազգային ժողով (395)

Radio Aurora

Լսել Radio Aurora

Գովազդային տարածք

300x250