Մակեևկայի ողբերգության հետևանքով ռուս զինծառայողների զոհերի թիվը հասել է 89-ի. ՌԴ ՊՆ
Ռուսաստանի Դաշնության պաշտպանության նախարարության հայտարարություն է տարածել Մակեևկայում տեղի ունեցած ողբերգության վերաբերյալ։
«Զոհված ռուս զինվորականների թիվը հասել է 89-ի, զոհվածների թվում է գնդի հրամանատարի տեղակալ, փոխգնդապետ Բաչուրինը։
Ռուս զինվորականները պատասխան կրակով ոչնչացրել են HIMARS արձակման կայանը, որից ուկրաինական զորքերը հարվածել են Մակեևկային»,- նշվում է հաղորդագրությունում։
Բացի դա, հաղորդվում է, որ Մակեևկայում տեղի ունեցած ողբերգության հիմնական պատճառը անձնակազմի կողմից բջջային կապի զանգվածային օգտագործումն էր՝ չնայած բջջային հեռախոսների արգելքին։
Այս գործոնը թույլ է տվել հակառակորդին հայտնաբերել և որոշել հրթիռային հարված հասցնելու համար ռազմական անձնակազմի գտնվելու վայրի կոորդինատները։
«Մակեևվկայում տեղի ունեցած ողբերգության համար պատասխանատու պաշտոնյաները հետաքննության արդյունքներով պատասխանատվության կենթարկվեն»,- նշել են ՌԴ ՊՆ-ում։
