Ուկրաինայում վիրավորվել են ճապոնացի և գերմանացի լրագրողներ

Կիևի կողմից վերահսկվող Ուկրաինայի տարածքում մի քանի օրվա ընթացքում վիրավորվել են երկու լրագրողներ Գերմանիայից և Ճապոնիայից։ Այս մասին հայտնում է ТАСС-ը՝ հղում անելով «Լրագրողներ առանց սահմանների» կազմակերպությանը։
 

«Շաբաթ օրը՝ դեկտեմբերի 31-ին, լրագրող Վատարու Սեհիտան, ով աշխատում է «Ասահի» թերթում, բեկորային վնասվածք է ստացել կոճի հատվածում, երբ նա գտնվում էր Կիևի իր հյուրանոցի մոտ», - ասվում է ՀԿ-ում:

Միաժամանակ, նրա գործընկեր Նորիտո Կոնիսուեն, ով այդ պահին գտնվում էր հյուրանոցում, չի տուժել։

Երկրորդ վիրավորը գերմանական «Bild» թերթի թղթակից Բյորն Ստրիցելն էր, ով մի քանի օր անց՝ հունվարի 2-ին, դեմքին բեկորային փոքր վնասվածքներ էր ստացել Կրամատորսկի մերձակայքում գտնվող Դրուժկովկա քաղաքի իր հյուրանոցի մոտ տեղի ունեցած պայթյունի հետևանքով։

Այս միջադեպը ցուցադրվել է ֆրանսիական TMS հեռուստաալիքի Quotidien շոուի ժամանակ:

Լրագրող Պոլ Գասնյեն ուղիղ եթերով հեռարձակում էր իրականացնում Դրուժկովկայից մի ծրագրի շրջանակներում, որին մասնակցում էր Ֆրանսիայի էկոնոմիկայի նախարար Բրունո Լը Մերը։ Երբ թղթակիցը հայտնվել է կադրում, ֆոնին պայթյուն է եղել։