«Տեղի ունեցածի երկու վարկած կա». Բելառուսի ՊՆ-ն՝ ուկրաինական հրթիռի՝ իրենց տարածք ընկնելու մասին

Բելառուսի պաշտպանության նախարարությունը Ուկրաինայի զինված ուժերի սադրանքը համարում է ուկրաինական С-300 հրթիռի հետ կապված միջադեպի վարկածներից մեկը։

Բելառուսի զենիթահրթիռային ուժերի ղեկավար, գնդապետ Կիրիլ Կազանցևը հայտնել է, որ տեղի ունեցածի երկու վարկած կա. առաջինն այն է, որ հրթիռի արձակումը տեղի է ունեցել ոչ միտումնավոր և տեղի է ունեցել ուկրաինացի զինվորականների վատ պատրաստվածության կամ հրթիռի անսարքության պատճառով։ Երկրորդ վարկածը Ուկրաինայի զինված ուժերի կանխամտածված սադրանքն է։

Կազանցևն ընդգծել է, որ Բելառուսի հակաօդային պաշտպանության մարտական ​​բրիգադները կանոնավոր կերպով աշխատել են օդային թիրախի հայտնաբերման ժամանակ։

Հիշեցնենք՝ նախօրեին ուկրաինական С-300 հրթիռի բեկորներ են ընկել Բրեստի շրջանում։ Միջադեպի հետեւանքով ոչ ոք չի տուժել, թեեւ բեկորներն ընկել են բնակելի շենքից ընդամենը 66 մետր հեռավորության վրա։