Այսօր վաղ առավոտից Ուկրաինայում հրթիռակոխություններ են։ Ուկրաինայի մայրաքաղաք Կիևում հրթիռներից մեկը խոցվել է հակաօդային պաշտպանության ուժերի կողմից: Հրթիռի բեկորներն ընկել են Դառնիցկի թաղամասում գտնվող առանձնատան վրա։ Հնարավոր տուժածների մասին տեղեկություններ դեռ չկան։ 

Խարկովում դադարեցվել է մետրոյի աշխատանքը: Քաղաքապետ Իգոր Տերեխովը գրում է, որ մի շարք պայթյուններ են տեղի ունեցել քաղաքի Սլոբոդսկի թաղամասում։

Ուկրաինայի զինված ուժերի «Հյուսիս» խմբավորման հրամանատարությունը հայտնում է, որ հրթիռը խոցվել է Սումիի շրջանի երկնքում։ Նիկոլաևի շրջանի ղեկավար Վիտալի Կիմը գրում է, որ Նիկոլաևի շրջանի մոտ մի քանի հրթիռներ են խոցվել ծովի վրայով։ Լվովի մարզում օդային տագնապ է հայտարարված:

Ուկրաինական թելեգրամյան ալիքներում հրապարակվել են տեսակադրեր նաև Օդեսսայի հրթիռակոծություններից։