Մակրոնը Ալիևին կոչ է արել ապահովել Լաչինի միջանցքով ազատ տեղաշարժը
Ֆրանսիայի նախագահ Էմանուել Մակրոնը հեռախոսազրույց է ունեցել Ադրբեջանի նախագահ Իլհամ Ալիևի հետ: Այս մասին հայտնում է Agence France-Presse-ը` հղում անելով Ելիսեյան պալատին։
Նշվում է, որ հեռախոսազրույցի ընթացքում Մակրոնն Ալիևին կոչ է արել ապահովել ազատ տեղաշարժը Լեռնային Ղարաբաղի և Հայաստանի միջև:
«Հեռախոսազրույցի ընթացքում Մակրոնը Ալիևին հայտնել է Հարավային Կովկասում լարվածության վերսկսման հետ կապված իր խիստ անհանգստության մասին և կոչ է արել ապահովել ազատ տեղաշարժը Լաչինի միջանցքի ողջ երկայնքով»,- նշում է լրատվամիջոցը։
