«Պայմանագրի հայկական փաթեթում նորություն չկա, Հայաստանը կրկին բանակցային գործընթացի իմիտացիա է ստեղծում». Բայրամով
Ադրբեջանի արտգործնախարար Ջեյհուն Բայրամովն իր ռուս գործընկեր Սերգեյ Լավրովի հետ համատեղ ասուլիսում ասել է, որ Հայաստանը բանակցային գործընթացի իմիտացիա է ստեղծում: Տեղեկատվությունը փոխանցոմ է News.ru-ն:
Բայրամովի խոսքով, հայկական կողմը ներկայացրել է խաղաղության պայմանագրի վերաբերյալ առաջարկների նոր փաթեթ՝ միաժամանակ ասելով, որ Ադրբեջանը հրաժարվում է մասնակցել բանակցություններին։
«Խաղաղության պայմանագրի հայկական փաթեթում նորություն չկա, Հայաստանը կրկին բանակցային գործընթացի իմիտացիա է ստեղծում»,-ասել է Բայրամովը։
Հիշեցնենք` երեկ կառավարության նիտում վարչապետ Նիկոլ Փաշինյանը հայտարարեց, որ ՀՀ–ն Ադրբեջանին է փոխանցել խաղաղության պայմանագրի շուրջ իր առաջարկները և պատրաստ է ստորագրել այդ բովանդակությամբ պայմանագիրը։
