Բայդենը ստորագրել է ռեկորդային պաշտպանական բյուջե 2023-ի համար
Ամերիկայի Միացյալ Նահանգների նախագահ Ջո Բայդենը ստորագրել է երկրի պաշտպանության բյուջեն 2023-ի ֆինանսական տարվա համար։ ԱՄՆ-ի համար այն կկազմի ռեկորդային 853 մլրդ դոլար։ Այս մասին գրում է Kp.ru-ն` հղում տալով Սպիտակ տան կայքին:
«Ուրբաթ՝ դեկտեմբերի 23-ին, նախագահը ստորագրել է 2023 ֆինանսական տարվա պաշտպանության բյուջեն»,- նշվում է Սպիտակ տան կայքում։
Դեկտեմբերի սկզբին ԱՄՆ Կոնգրեսի Ներկայացուցիչների պալատը հաստատել է երկրի 2023 թվականի պաշտպանական բյուջեն, որը կազմում է 853 միլիարդ դոլար: Փաստաթուղթը, մասնավորապես, նախատեսում է ֆինանսավորում Ուկրաինայի անվտանգության ապահովման համար՝ առնվազն 800 միլիոն դոլարի չափով, ինչպես նաև Ռուսաստանին Եվրոպայում զսպելու նախաձեռնություններ՝ այս ուղղությամբ հատկացվելու է վեց միլիարդ դոլար։
