Ձեռքերս կապած գցել են կոյուղու ջրհորը․ մոբիլզացվածը պատմել է, թե ինչ է կատարվել իր հետ, երբ հրաժարվել է ծառայությունից

Մոբիլիզացվածները լրագրողների հետ շփման ժամանակ պատմել են ծեծի, ողջ-ողջ թաղելու և մահապատժի իմիտացիայի մասին։ 

25-ամյա Ռոման Մարտինովը սեպտեմբերի 24-ին մոբիլիզացվել է Բրյանսկի շրջանից։ Հավաքման կետում նա մեկ դաս է անցկացրել ավտոմատ կրակոցով, որից հետո հոկտեմբերի 1-ին ուղարկվել է Լուգանսկում առաջնագիծ։ Այս մասին հայտնել է «Ագորա» միջազգային իրավապաշտպան խմբի ղեկավար Պավել Չիկովը։  Մարտինովը հաջորդ օրը նա հրաժարվել է մասնակցել մարտական ​​գործողություններին և հայտնվել է «հրաժարվողների համար նախատեսված նկուղներում», այսինքն՝ բանտարկվել է։ 

«Մեկ հոգի երկու բռունցքով ծեծում էր ինձ, ծեծի ենթարկողի ձեռքերին տակտիկական ձեռնոցներ էին, հարվածները հասցնում էր գլխիս ու մարմնիս, տղամարդն աջ բռունցքով առնվազն երեք հարված է հասցրել գլխիս ձախ մասին և առնվազն երեք հարված՝ մարմնիս ձախ կողմին»,- պատմել է նա:

Նրա պնդմամբ՝ իրեն դեմքով դեպի պատն են կանգնեցրել ու վախեցրել ավտոմատից կրակոցներով, աչքերն ու ձեռքերը կապած գցել են կոյուղու ջրհորը։ «Ջրհորը նեղ էր, դատարկ՝ առանց ջուր, մոտ 1,5 մետր խորություն ուներ։ Ինձ թույլ չէին տալիս ուղղվել, ես կծկվել էի ջրհորի հատակում, զինված մարդիկ ինձ ասացին, որ եթե ճշմարտությունը չասեմ, ինձ ողջ-ողջ կթաղեն։ Իրենց սպառնալիքները հիմնավորելու համար սկսեցին հող նետել անմիջապես ջրհորի մեջ»,- պատմել է Մարտինովը։ Երեքշաբթի զինվորի փաստաբան Մաքսիմ Գրեբենյուկը՝ «Ռազմական օմբուդսմեն» նախագծից, հանցագործության վերաբերյալ բողոք է ներկայացրել՝ հասցեագրված  ՌԴ Քննչական կոմիտեի գլխավոր ռազմական հետախուզության վարչության պետին։