Ռեկորդային թվի է հասել Հնդկաստանի պաշտպանական արտահանումը
Հնդկաստանի պաշտպանական արտահանումը 2021-2022 ֆինանսական տարում (որն ավարտվել է մարտի 31-ին) կազմել է ռեկորդային 140 միլիարդ ռուփի (մոտ 1,7 միլիարդ դոլար), հայտնում է Mint թերթը՝ վկայակոչելով երկրի պաշտպանության նախարարության տվյալները։
Տվյալների համաձայն՝ ութ տարի առաջ այդ ցուցանիշը կազմում էր ընդամենը 9 միլիարդ ռուփի (110,8 միլիոն դոլար), սակայն 2014 թվականից հետո արձանագրվել է պաշտպանական արտահանման կայուն աճ։ Այնուհետ իշխանության է եկել վարչապետ Նարենդրա Մոդիի կառավարությունը՝ հայտարարելով «Ինքնաբավ Հնդկաստան» ծրագիրի մասին, որը նախատեսում է ժամանակակից զինատեսակների սեփական արտադրության զարգացում։
ՏԱՍՍ լրատվական գործակալությունը հայտնել է, որ երկիրը մտադիր է մինչեւ 2025 թվականը պաշտպանական արտահանումը հասցնել ավելի քան 3 միլիարդ դոլարի։
Հնդկաստանը պատրաստ է արտահանել տարբեր տեսակի հրթիռային համակարգեր, թեթեւ ինքնաթիռներ եւ ուղղաթիռներ, ռազմանավեր եւ պարեկային նավեր, հրետանային համակարգեր, տանկեր, ռադարներ, էլեկտրոնային պատերազմի համակարգեր եւ սեփական արտադրության այլ սպառազինության համակարգեր։
