Դոնեցկի կեսից ավելին ռուսական ուժերն «ազատագրել են». Պուշիլին

 Դոնեցկի ղեկավար Դենիս Պուշիլինն ասել է, որ մարզի տարածքի կեսից մի փոքր ավելին ռուսական ուժերն «ազատագրել են»։

 

Դոնեցկը Ուկրաինայի չորս մարզերից մեկն է, որը Մոսկվան միացրել է Ռուսաստանին, որպես հիմք ընդունելով այնտեղ անցկացված հանրաքվեի արդյունքները, ինչը Ուկրաինան և միջազգային հանրությունը չեն ճանաչում։

 

Ռուսական «Ռիա Նովոստիի» կայքում հրապարակված տեսանյութում Պուշիլինն ասել է, որ խնդիր է դրված ազատագրել մարզի ամբողջ տարածքը։ «Մեր ստորաբաժանումներն անում են հնարավորը, որ դա հնարավորինս շուտ կատարվի»,- ասել է նա։

Վերջին շրջանում մարտերն ընթանում են Դոնեցկի մարզի կենտրոնական շրջանում, մասնավորապես, Բախմուտ քաղաքի համար։

Քաղաքականություն

Պատահարներ