Ռուսաստանը սկսել է նոր թափով հարվածներ հասցնել ուկրաինական քաղաքներին. BBC
Ուկրաինայի քաղաքներին հարվածների ինտենսիվությունն ուժեղացել են այս շաբաթ: Ռուսաստանը նոր թափով է թիրախավորել երկրի քաղաքացիական ենթակառուցվածքները: Խարկովը հոսանքազրկվել է, իսկ Կիևի հյուսիս-արևելքում պայթյուններ են որոտացել։ Պաշտոնյաները նախազգուշացրել են Կրիվոյ Ռոգում բնակելի շենքի գնդակոծությունից հետո հնարավոր զոհերի մասին։ Գրում է BBC-ն:
Մի քանի այլ քաղաքներ նույնպես տուժել են: Հարավային Նիկոլաև քաղաքի քաղաքապետ Վիտալի Կիմը հայտնել է, որ նախնական տվյալներով արձակվել է մինչև 60 հրթիռ։
Ռուսաստանի հետ Ուկրաինայի հյուսիսային սահմանի մոտ գտնվող Սումիի շրջանի նահանգապետը հայտնել է, որ այնտեղ նույնպես անջատվել է էլեկտրաէներգիան: Կիևի քաղաքապետ Վիտալի Կլիչկոն էլ կոչ է արել մարդկանց չլքել կացարանները։
Ուկրաինայում ձմռան պատճառով միլիոնավոր ուկրաինացիներ մնացել են առանց էլեկտրականության: ՄԱԿ-ի մարդու իրավունքների հանձնակատար Ֆոլքեր Թյուրքը հինգշաբթի նախազգուշացրել է, որ էլեկտրաէներգիայի օբյեկտների վրա հետագա հարձակումները կարող են «հանգեցնել հումանիտար իրավիճակի հետագա լուրջ վատթարացման և նոր տեղահանումների պատճառ դառնալ»։
Հաղորդվում է նաև, որ ԱՄՆ նախագահ Ջո Բայդենը Կիևից ամիսներ շարունակվող խնդրանքներից հետո վերջնականացնում է դեպի Ուկրաինա Patriot հակաօդային պաշտպանության հրթիռներ ուղարկելու ծրագրերը:
