Թուրքիայում բախվել են տրամվայն ու ավտոբուսը. կան տուժածներ
Ստամբուլում տրամվայի և ավտոբուսի մասնակցությամբ վթարի հետևանքով տուժել է 11 մարդ, հայտնում է Anadolu-ն։
Վթարը տեղի է ունեցել քաղաքի հյուսիսում՝ Ալիբեյկյոյ շրջանում։ ՃՏՊ արդյունքում ավտոբուսը ուժեղ վնասվել է։
Վթարի հետևանքով տուժել է 11 մարդ, մեկը ծանր վիրավորվել է։ Փրկարարներին հաջողվել է ավտոբուսից դուրս բերել մեկ մարդու, որը սեղմվել էր կոնստրուկցիաներով։
Մի քանի կայարանների միջև տրամվայների երթևեկությունը դադարեցվել է։
