Պուտինը Անվտանգության խորհրդի նիստ է անցկացրել. հայտնի է` ինչ է քննարկվել
ՌԴ նախագահ Վլադիմիր Պուտինը Անվտանգության խորհրդի անդամների հետ օպերատիվ հանդիպման ժամանակ բարձրացրել է երկրի տեղեկատվական անվտանգության ապահովման համար կադրերի պատրաստման հարցը, ինչպես նաև սոցիալ-տնտեսական և միջազգային խնդիրներ։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը, գրում է Интерфакс-ը:
«Պուտինն օպերատիվ խորհրդակցություն է անցկացրել Անվտանգության խորհրդի մշտական անդամների հետ: Հիմնական հարցը եղել է Ռուսաստանի Դաշնության տեղեկատվական անվտանգության ապահովման համար կադրերի պատրաստման թեման»,- մանրամասնել է Կրեմլի խոսնակը և հավելել, որ հանդիպմանը քննարկվել է նաև Ռուսաստանի սոցիալ-տնտեսական զարգացմանը վերաբերող և միջազգային հարցեր։
Նախորդ հանդիպմանը Պուտինը Ռուսաստանի Դաշնության Անվտանգության խորհրդի անդամների հետ քննարկել է երկրի պատվիրակության աշխատանքը G20-ի գագաթնաժողովում, ինչպես նաև արտաքին հետախուզության ծառայության ղեկավար Սերգեյ Նարիշկինի հանդիպումը ԱՄՆ ԿՀՎ ղեկավար Ուիլյամ Բերնսի հետ:
