Պեսկովն ասել է` որ դեպքում ՌԴ-ն կբանակցի ԱՄՆ-ի հետ
«Կրեմլը պատրաստ չէ ԱՄՆ-ի հետ բանակցել, եթե պայմանը Ուկրաինան լքելն է, սակայն Պուտինը, ընդհանուր առմամբ, բաց է շփումների համար»,-այսօր լրագրողներին հայտնել է ՌԴ նախագահի խոսնակ Դմիտրի Պեսկովը։
«Մեր շահերին հասնելու ամենանախընտրելի ճանապարհը խաղաղ, դիվանագիտական ճանապարհն է»,- ընդգծել է մամուլի քարտուղարը։
Նրա խոսքով՝ «ԱՄՆ-ն դեռևս չի ճանաչում Ռուսաստանի կազմում նոր տարածքները, իսկ դա էապես բարդացնում է փոխադարձ քննարկման համար հնարավոր հողի որոնումը»,-հավելել է Պեսկովը։
