Իրանի խորհրդարանը կքննարկի հիջաբ կրելու հարցը
Իրանի խորհրդարանը հասարակական մշակույթի հարցերով խորհուրդ կձեւավորի, որի պարտականությունների մեջ կմտնի հիջաբի պարտադիր կրման հարցի մշակումը, հայտարարել Է Իրանի խորհրդարանի մշակույթի հարցերով կոմիտեի ղեկավարի ներկայացուցիչ Ղոլամրեզա Մոնտազերին: Այս մասին հայտնում է ՌԻԱ Նովոստին:
«Իրանի խորհրդարանի մշակութային հանձնաժողովում աշխատանքային խումբ է ձևավորվել, որը հատուկ կզբաղվի արտաքին տեսքի համեստության և հիջաբի հետ կապված հարցերով: Մշակութային հարցերը քննարկելու համար ստեղծված Հանրային մշակույթի խորհուրդը տեսքի համեստության հարցի շուրջ համընդհանուր սխեմա է մշակում։ Մենք խորհրդարանում պատրաստ ենք օգնելու, եթե օրենքում լինեն անհասկանալի կամ ոչ կառուցողական կետեր»,- Մոնտազերիի խոսքը մեջբերում է ISNA գործակալությունը։
Հիջաբ եւ այլ տեսակի գլխաշորեր կրելու հարցը, որոնք պետք է անպայման ծածկեն ցանկացած իրանցի կնոջ գլուխը, կապված է երկրում տեղի ունեցած վերջին անկարգությունների հետ։
