Պետք է աշխատենք, որ Փաշինյան-Ալիև հանդիպումը տեղի ունենա. Աղաջանյան

Պետք է աշխատենք, որ դեկտեմբերին նախատեսված Փաշինյան-Ալիև հանդիպումը կայանա։ Այս մասին ԱԺ-ում լրագրողների հետ զրույցում ասել է ԱԺ արտաքին հարցերի մշտական հանձնաժողովի ղեկավար Էդուարդ Աղաջանյանը։

Նա հայտնել է, որ Հայաստանը հետ չի կանգնում Ադրբեջանի հետ խաղաղության շուրջ բանակցություններից։ 

«Մենք չենք համարում, որ իրավիճակը փակուղային է։ Ընդամենը արձանագրել ենք, որ կա հստակ պայմանավորվածություն և Հայաստանը հետ չի կանգնում իր պայմանավորվածություններից։ Ադրբեջանի գործելակերպը այս տեսանկյունից նորություն չէ։ Եղել են այլ դեպքեր, երբ Ադրբեջանը հրաժարվել է նախնական պայմանավորվածությունների համաձայն հանդիպումներին ներկայանալ։ Սա այդ տեսանկյունից նորություն չէ, ինչը դրական գործընթաց չէ»,-հայտարարել է Աղաջանյանը։