Իրանի խորհրդարանը հավանություն է տվել Շանհայի համագործակցության կազմակերպությանը միանալու օրինագծին, հաղորդում է irna.ir գործակալությունը։

Նախագծի ընդունմանը կողմ է քվեարկել 205 պատգամավոր։  Իրանի խորհրդարանի Ազգային անվտանգության և արտաքին քաղաքականության հանձնաժողովի խոսնակ Աբոլֆազլ Ամուին քվեարկությունից առաջ հայտարարել է, որ ՇՀԿ-ին Իրանի անդամակցության գործընթացը շարունակվում է վերջին 15 տարիներին։

«Այդ ժամանակից ի վեր հաստատվել է 49 գործադիր փաստաթուղթ, և այդ փաստաթղթերը պետք է ընդունվեն Իրանի կողմից, ըստ էության, դա պայման է Իրանի՝ ՇՀԿ մտնելու համար»,- հավելել է նա։